ഡൽഹി: ലാറ്ററൽ എൻട്രിയിലൂടെ കേന്ദ്രമന്ത്രാലയത്തിലേക്ക് 45 ഉദ്യോഗസ്ഥരെ നിയമിക്കാനുള്ള തീരുമാനത്തിൽനിന്ന് പിന്തിരിഞ്ഞ കേന്ദ്രസർക്കാർ നടപടിയിൽ പ്രതികരണവുമായി ലോക്സഭാ പ്രതിപക്ഷനേതാവ് രാഹുൽ ഗാന്ധി.
'ലാറ്ററൽ എൻട്രി പോലുള്ള ബിജെപിയുടെ സംവരണം അട്ടിമറിക്കാനുള്ള ഗൂഢാലോചനകളെ എന്ത് വില കൊടുത്തും പരാജയപ്പെടുത്തും. ഭരണഘടന സംരക്ഷിക്കാൻ ഏതറ്റം വരെയും പോകും. ഭരണഘടനയും സംവരണവും എന്ത് വില കൊടുത്തും സംരക്ഷിക്കും' എന്ന് രാഹുൽ എക്സിൽ കുറിച്ചു. പ്രതിപക്ഷ പ്രതിഷേധത്തെ തുടർന്നാണ് ലാറ്ററൽ എൻട്രി സംബന്ധിച്ച പരസ്യം കേന്ദ്രസർക്കാർ പിൻവലിച്ചത്.
'ഇന്ത്യൻ ഭരണഘടനയും സംവരണവും ഞങ്ങൾ എന്ത് വില കൊടുത്തും സംരക്ഷിക്കും. ബിജെപിയുടെ ലാറ്ററൽ എൻട്രി പോലുള്ള ഗൂഡാലോചനകളെ ഞങ്ങൾ എന്ത് വില കൊടുത്തും പരാജയപ്പെടുത്തും. ഞാൻ വീണ്ടും പറയുന്നു. , 50 ശതമാനം എന്ന പരിധി അവസാനിപ്പിച്ചുകൊണ്ട് ജാതിക്കണക്കുകളുടെ അടിസ്ഥാനത്തിൽ ഞങ്ങൾ സാമൂഹ്യനീതി നടപ്പാക്കും.' രാഹുൽ ഗാന്ധി എക്സിൽ കുറിച്ചു.
പിന്നാക്ക-ദളിത്-ന്യൂനപക്ഷ ഐക്യത്തിന് മുന്നിൽ കേന്ദ്രസർക്കാർ കീഴടങ്ങിയെന്ന് സമാജ്വാദി പാർട്ടി നേതാവ് അഖിലേഷ് യാദവ് പ്രതികരിച്ചത്. പുതിയ സാഹചര്യത്തിൽ ലാറ്ററൽ എൻട്രിക്കെതിരായി ഒക്ടോബർ രണ്ടിന് നടത്താനിരുന്ന സമരം മാറ്റിവെക്കുന്നതായും അഖിലേഷ് കൂട്ടിച്ചേർത്തു. പ്രതിപക്ഷ പ്രതിഷേധത്തെ തുടർന്ന് ചൊവ്വാഴ്ചയാണ് ലാറ്ററൽ എൻട്രി വഴി സ്വകാര്യമേഖലയിൽ നിന്ന് ഉദ്യോഗസ്ഥരെ നിയമിക്കുന്നതിനുള്ള പരസ്യം പിൻവലിക്കാൻ കേന്ദ്രമന്ത്രി ജിതേന്ദ്ര സിങ് യു പി എസ് സിയോട് ആവശ്യപ്പെട്ടത്. ഇക്കാര്യം ചൂണ്ടിക്കാട്ടി മന്ത്രി യുപിഎസ് സി അധ്യക്ഷന് കത്ത് നൽകി.
പ്രധാനമന്ത്രിയുടെ നിർദേശത്തെത്തുടർന്നാണ് നടപടിയെന്ന് കത്തിൽ വ്യക്തമാക്കുന്നു.
Rahul Gandhi showed the Constitution, Modiji hit a 'U' turn. Lateral entry will be delayed.
